السلام عليكم
اختكم هوليدي اهو تمت امتحانات روحت فرحانه
شهر منع عليا نجي جنب الكمبيوتر
وفرحانه بننتقم منه نقعد عليه 24 ساعه
عندي اسبوع بحاله عطله
اليوم الأول مر بسلام حتي كونكشن كان قوي
نزلت بوست ترياقي رحيل و زرت الاصدقاء المدونين
بس
شن
صار
تقول
متفاهمين
عليا
جيت فتحت جهازي الاتصال بالشبكه مافيش
جيت شوفت قولت بالك خيط مش راكب
لقيت هاتف الارضي عاطل
طبعا
شن درت
اتصلت بأبي طبعا هدا في الصبح هو في العمل
هوليدي : بابا شوف شن صار بطريقه ترعش
بابا :شنو في ان شاءالله خير
خوتك فيهم حاجه شنو فيه
هوليدي :لا الأرضي عاطل
شوف البريد شنو فيه
طبعا اتصل بالبريد طلعت قصه انهم بديرو كوابل تحت الارض
تبيلهم وين يحفرو العمق ليبوه
وطبعا بريد قال شغلت 3 ايام
اهو فات اسبوعين ومعاه قاعدين يحفرو
تقولي بيطلعو كنز علي بابا
اهو اشتراك شهر هدا فات مااستفدتش منه
واهو نستخدم في نت الموبايل بطيء بس خير من لا شيء
بس هدا كله لاتزال فرحتي بالنجاح باقية
....ملاحظة....
وان شاءالله نجاح لجميع
وعقبال باقي المواد علي قولت ميمي
نبي نشكر تشجيع صديقتي نسيم بلادي العليل و مي
واكيد صديقتي
بس هي مش من مدونين
اهو نجبر فيها تقرا في مدونتي
هههههه
تعرف روحها
سلامي
.jpg)
25 التعليقات:
بسم الله خلي نحجز مكاني و نولي نقرا
يا ساتر ربي يستر انا شااااكه ان الموضوع حيكمل في ثلاثه ايام بس مانبيش نرعشك هههههههههه
ان شاء الله خير و بعدين خيره نت الموبايل ماشي حاله اهو قدرتي تنزلي عن طريقه البوست
مبروووووووووووووووووووووووووك النجاح للمره الثانيه و عقبال التخرج
سلامي ميمي
بعد شيني
3 ساعات
ومع بعض مساعدات
هههههههههههههه
انشالله يارب
سلامي
ياستي اهو الحمد لله في بديل ولو انه بطئ بس زي مقتلي خير من بلاش
اهو حالنا من حالكم تليفونا الارضي عاطل بيسكر تلاتة شهور علي نفس الحال وع قولة كابل وكابل
معاش عرفنا كيف :(
والنجاح باركنا ومزال نباركو ونهنو
ياله شدي الهمة السنة هدي وبالتوفيق
Nasimlibya
اهلا
نسوم
زي ماقلتي صح بديل خير من لاشي
بس مش زي دي سي ال
امهم
شكرررررراااا
بس شن صار في توكس
انا مانستش
سلامي
اختك
فتاةمن زمن اخر
يا حظك يا هوليدى
اصبرى بقى شويه على ما النت يرجع وتبقى كل حاجه تمام
وويارب دايما تنجحى كده يارب
السلام عليكم
والله ياسمحه ربي يكون في عونك
ان شاء الله آخر المصائب وقدر الله وماشاء فعل
حتي من الموبايل نعمه ،ربي يحفظك
أستودعك الله
هاذي هي يا عزيزتي هوليدي..
تسحابي الامور تمام مرات .. تلقيها فجاة كلها متآمرة عليك..
طبعا هنايا عندي اغنية دييييمة تخطر علي بالي في مواقف زي هاذي..
"Ironic"
وخصوصا المقطع يلي يقول:
Well life has a funny way of sneaking up on you
When you think everything's okay and everything's going right
And life has a funny way of helping you out when
You think everything's gone wrong and everything blows up
In your face
دمتي بالف خير وحتى الكنكشن متع الموبايل باه.. ههههههه
عزيزتى 1000 مبروك ويا رب لما تكملى ونشوفوك دكتورة اد الدنيا ديه كلها
وخيتك مى
romansy
اهلا كيفك
ريت حط صقع
سلامي لك
Gigi
اهلا
اسمعي ديري حل لتاخير اوكي
انشاءالله يارب
فــاتن
اهلا حبيتي
ريت تامر
تو نسمعه
شكرا
ههههههههههههه
may
مي
لا
لا
شنو مش بعاده تاخير هدا كله
شكرا
احل ميوش
اختكم
فتاة من زمن اخر
سلام
الف الف مبروك ع النجاح
بالنسبة لى الكنكشن احسن حاجة اشتركى واى ماكس وريحى بالك بس نصيحة تاكدى من مناطق التغطية قبل ماتشترية وتتورطى فى حقا 520 دينار
يلا باى
مبروك الفكة من الامتحانات
ولا تزعلي عالنت خلاص تعي خدي تاعي مني الك هدية ما من وراها جزية
كلو كرمال عيونك هههههههه مو شطورة وانجحتي بدنا اندلعك شوي
السلام عليكم .
الف الف الف مبروك على النجاح ويارب الكل ينجح وانا كمان عقبالى ههههههه
ويارب الكابل يتصلح على طول وتكونى موجوده معانه بصحه وعافيه دايما يارب
خلى بابا كل يوم يتصل بيهم عشان يخليهم يشتغلو على طول بقى
نحياتى سونه .
ملحوظه سمحينى على عدم القدره على ارد على السؤال بس لو شفتى ارد هتعرفى ليه
سلاممممم.
angel
الله يبارك فيك
والله 520 حق ورطه
ههههههههههههه
مرات كان جتني منه نديره
سلامي
حنان شلبي
هههههههههههه
تسلمي والله جيتك كله هديه
الله يبارك فيك
اسمعي بتحصلي فيه كان دلعتني
سلامي
”*°•.˜”*°•..سونه..•°*”˜.•°*”˜
الله يبارك فيك
ولا يهمك من غير ماتوصي
انشاءالله يرجعوه فيسع يارب
صح
اجابه كانه معروف قصه تبد محلوله
سلامي
اختك
فتاة من زمن اخر
لف مبروك ياقمر
ويرجعلك بالف سلامة
انا مجربة وعارفة الاحساس اوى
ربنا معاكى
منورانى ديما
ادعوكى لزيارة
http://mhlpyaaa.blogspot.com/
مبروك النجاح و العقبة للتخرج ان شاء الله..
سعيد جدا بالتعرف على مدونتك و في نفس الوقت مش عارف كيف فاتتني طول المدة هادي بس يالله ان شاء الله نكونو قراء مواظبين لمدونتك و بصدق عجبني الستايل هلبا.
بالتوفيق..
مبروك هوليداي على النجاح...وعقبال باقي المواد
حكاية الانترنت وخطوط التليفون هادي حدثي ولا حرج...حاجة تانية بكل...عموماً نتمنى الحكاية ما تعطلش معاك...بالكي المرة هادي الجماعة يكونو عندهم شوية رحمة ويكملو خدمتهم في شهرين تلاتة بس ههههههههههههههههه
1stful mubark o 3gbal bage almaoad ............2ndfull at which year u study now ?.........n thanx alot 4 visiting my blog
مبروك النجاة يا فتاة من زمن اخر مع انها جت متاخرة بس الف مبروك وعقبال التخرج ان شاء الله
عفوا هي النجاح مش النجاة مع انها تعتبر نجاة من الرسوب ههههههههه يلا سلام
هولي فكرتني بأيام سوداء كانت لا تليفون ولا مية ولا ضي وهم يحرفوا في طريق ولا مش عارفة شنو يحفروا في قبر جماعي
3 شهور سودا غبرة الضي بمولد المية ببير
والله وجعتيني وخصوصا إنه النت بدي ضروري معدش حاجة كمالية
ربي يوفقك
أختك غيداء
مبروك النجاح
ربي يفتح عليك نت اسرع من الشدة واقوى من الضمة
دعاء مواجهات
الله يبارك فيك
وان انشالله نزووك قريبا
S.S.Ali
الله يبارك فيك
هد شرف ليا
اهلا بيك ويسعدني جدا مرورك
هدا من دوقك
libyea
الله يبارك فيك
واناانشاءالله يارب
والله طلعو ناس عندهم ضمير وحكايه تمت في شهرين وخاشين شهر ثالت
nirvana
wllcom any time
thanks
Anshallha
good luck
siraj
الله يبارك فيك وهو فعلا نجاة من الرسوب
عادي مش مشكله تاخير المهم طلتك
ومشكور
g.k(غيداء التواتي
اهلا حبيبتي انتظر فيك
شن امورك الله يبارك فيك
والله ديمه شرفني في المدونه
المدونه منوره بوجودك
والله حق اصبح من ضرورايات
سلامي
naohama
اهلا نهومه الله يبارك فيك
ماله ابو الحروف
تحياتي
اختك
فتاة من زمن اخر
إرسال تعليق